嬌妻返咗去外家
多苦惱
先生打理家務
難以效勞
埋廚下灶攪得更糟
唔識得執拾
大廳好似地牢
吃飯去酒家
各樣費心操
誰料成間屋
攪得一鑊泡
嚇
我返咗外家幾日
嗰老公都唔知
會唔會走出去鬼混呢
審嚇佢先
啊老婆
妳返嚟就好咯
心間掛念妳
一刻不見妳我心操
嬌姿已漸老
因乜對我咁顛倒
夫妻恩重兼愛重
別後我多不慣
越覺得枯燥
你幾次來電催我回
事實也乜嘢爲我相告
唉等我話妳知
自從妳返咗去外家
我就慘啦
茶又唔識煲
飯又唔識煮
食都冇啖好食呀
哈係呢
你而家知道你老婆我
有用嘅呢
重有呀
你有冇吼住我
唔係屋企
走出去拈花惹草吖
你好快啲講啦
快啲從實招來呀
妳莫個拈酸心生妒
檀郎未敢愛野騖
令我心中更嬲怒
因乜襟前有點點脣膏
不禁驚心
想話再瞞住
無奈眼前事泄露
痛心不已越想越腸斷
紅顏衰老又年暮
認錯低聲請息怒
檀郎自知太糊塗
哈恨你貪歡愛風月
負情負愛真顛倒
唉吔吔
妳何必掩面哀嚎
我從今以後不再糊塗
以後聽晒妳話
妳話做乜我都做到
勢難容縱此狂徒
罰你幫我做工夫將地掃
重罰妳斟茶認錯
跪地叩頭顱
今後我話企就企
話行就行
都不準你離開我半步
唉
呢次都累得慘咯
無奈叩頭呼萬歲
話過永隨左右
做個模範丈夫